بتسأل «عمل موقع بكام؟» هنا الإجابة بالأرقام وبالجنيه المصري، من غير ما تحتاج تكلمنا الأول. الأسعار دي نقطة بداية كل باقة. السعر النهائي بيتكتب في عرض سعر مكتوب بعد تقييم مجاني لمشروعك، وقبل ما نبدأ أي شغل. الأسعار لا تشمل الدومين والاستضافة.
باقات الأسعار (آخر تحديث 2026)
| الباقة | السعر | مناسبة لـ | بتشمل |
|---|---|---|---|
| موقع تعريفي | من 10,000 ج.م | الشركات والعيادات والمكاتب اللي محتاجة حضور احترافي على جوجل | تصميم متجاوب مع الموبايل، تهيئة أساسية لمحركات البحث، لوحة تحكم للمحتوى |
| متجر إلكتروني بسيط | من 15,000 ج.م | المحلات والبراندات اللي عايزة تبيع أونلاين | صفحات منتجات وسلة، بوابات دفع وشحن، لوحة تحكم للمنتجات والطلبات |
| موقع احترافي | من 20,000 ج.م | الشركات اللي عايزة موقع بتصميم مخصص بالكامل ومحتوى أوسع | تصميم مخصص لهويتك، أقسام وصفحات أكتر، تهيئة أوسع لمحركات البحث |
| نظام مخصص CRM، مخازن وكاشير، إدارة عيادات | من 50,000 ج.م حتى 250,000 حسب النطاق | الشركات والمصانع والمراكز اللي محتاجة نظام مبني على طريقة شغلها | تحليل احتياجاتك، صلاحيات وأدوار، تقارير، ونقل بياناتك الحالية |
إزاي تختار الباقة المناسبة؟
- لو محتاج تظهر على جوجل وتعرّف الناس بنشاطك: موقع تعريفي يكفي (شركة، عيادة، مكتب، مركز).
- لو عايز تبيع منتجات أونلاين: متجر إلكتروني بسلة وبوابات دفع وشحن.
- لو عايز شكل وصفحات مخصصة بالكامل لهويتك: موقع احترافي.
- لو شغلك فيه عملاء ومخازن وفروع وحجوزات تتابعها بإكسل: نظام مخصص. شوف برنامج المخازن والفروع والكاشير أو نظام CRM.
مش متأكد؟ ابعتلنا وصف بسيط لنشاطك وهنقولك الباقة الأنسب، حتى لو طلعت إن مش محتاج حاجة من دي.
إيه اللي بيحصل من أول تواصل لحد السعر؟
- رسالة أو مكالمة: تحكي لنا عن نشاطك وإيه اللي محتاجه.
- تقييم مجاني: بنحدد النطاق ونسأل الأسئلة اللي بتأثر على السعر.
- عرض سعر مكتوب: فيه اللي هيتسلّم والسعر والمدة، ومفيش تكاليف مخفية.
- الشغل بيبدأ بعد موافقتك أنت على العرض.
إيه اللي مش داخل في السعر؟
- الدومين (اسم الموقع) والاستضافة بيتدفعوا منفصل لمزوّد الخدمة، وتكلفتهم بتختلف حسب المزوّد والمساحة. بنساعدك تختارهم وتحجزهم باسمك. بنشتغل على استضافتك أنت أو على Hostinger.
- كتابة المحتوى والتصوير لو محتاجهم، بنتفق عليهم في عرض السعر.
إيه اللي بيحدد السعر النهائي؟
- عدد الصفحات والأقسام.
- عدد اللغات (عربي فقط، أو عربي وإنجليزي أو أكتر).
- في المتاجر: عدد المنتجات، وبوابات الدفع والشحن المطلوبة.
- الربط بأنظمة تانية (CRM، مخازن، محاسبة).
- في الأنظمة المخصصة: عدد الوحدات والمستخدمين والتقارير، ونقل بياناتك الحالية.
ليه في مواقع بـ 700 جنيه وإحنا أغلى؟
في السوق هتلاقي مواقع بأسعار بسيطة جدًا على منصات العمل الحر وبالقوالب الجاهزة. ده مناسب لو محتاج صفحة مؤقتة. الفرق في الباقات عندنا:
- موقع مبرمج بلوحة تحكم تعدّل منها بنفسك.
- تهيئة لمحركات البحث من البداية (عناوين، روابط، سرعة، عرض على الموبايل).
- عرض سعر مكتوب بنطاق واضح، وفريق تقدر ترجع له بعد التسليم.
لو ميزانيتك أقل من الباقات، قولنا ونرشّح لك الأنسب بدل ما نبيعك حاجة مش محتاجها.
وتطبيقات الموبايل والهوية والتسويق؟
أسعار تطبيقات الموبايل والهوية البصرية والسيو والإعلانات بتتحدد حسب نطاق كل مشروع، وبنبعتها في عرض سعر مكتوب بعد التقييم المجاني.
أسئلة شائعة عن الأسعار
عمل موقع بكام في مصر؟
عندنا موقع تعريفي من 10,000 ج.م، ومتجر إلكتروني بسيط من 15,000 ج.م، وموقع احترافي من 20,000 ج.م، وأنظمة مخصصة من 50,000 حتى 250,000 ج.م حسب النطاق. الدومين والاستضافة منفصلين.
هل السعر المكتوب ده نهائي؟
ده سعر بداية كل باقة. بعد التقييم المجاني بنبعت لك عرض مكتوب بالسعر النهائي والمدة، ومن غير تكاليف مخفية.
ليه في مواقع أرخص من كده؟
القوالب الجاهزة والمنصات ممكن تكون أرخص. إحنا بنبرمج موقعك بلوحة تحكم وتهيئة لجوجل من البداية، عشان الموقع يجيب لك عملاء فعلًا مش بس يكون موجود.
الدومين والاستضافة بتكلف كام؟
بتختلف حسب المزوّد وحجم الموقع. بنرشّح لك الأنسب لموقعك، وبيتحجزوا باسمك أنت.
هل التقييم المبدئي بفلوس؟
لأ، التقييم المبدئي وعرض السعر المكتوب مجانيين.
بتشتغلوا مع عملاء برّه القاهرة والجيزة؟
أيوه، مقرنا في 6 أكتوبر وبنشتغل أونلاين مع عملاء في كل مصر والخليج. شوف مناطق الخدمة.
اطلب عرض سعر مكتوب مجاني أو كلمنا واتساب/اتصال: +201065528542.